Armóniques


Tipos d' armónica

Hai dos tipos d'armóniques según les notes que puéen emitir: diatóniques y cromátiques. Hai tamién dellos tipos comu armóniques de baxos, d' acordes ... Pero son abondo rares, cares y ye percomplicao atopales. Usabense muncho nos años 40 y 50 cuando yeran típiques les orquestes d'armónica. Pa exemplu tá la páxina KlausRohwers KleineMundharmonikakunde en alemán, pero les semeyes entiéndense bien :)

Les armóniques diatóniques solo tienen les notes de la escala na que tan afinaes. Por ex. una armónica afinada en C (Do) solo tien les siguientes notes : Do Re Mi Fa Sol La y Si , nun disponiendo de sonios alteraos.
Endientro esti grupu d' armónicas hai tres tipos : blues, trémolo y octava.


L' armónica de blues tien xeneralmente 10 furacos con dos llengüetes en ca ún : una que suena al soplar y la otra al aspirar.
Hailes afinaes en tolos tonos de les escales mayor y menor , aunque de la marca Hohner practicamente sólo se consigue en les tiendes les afinaes en tonu mayor. Per l' internet puen atopase ...La su afinación típica ye la denominá Standard Richter: con les tres primeres notes soplaes y aspiraes suenen los acordes de tónica y dominante respectivamente.
Armóniques de blues típiques son : Marine Band, Pro Harp, Blues Harp, Piccolo (esta creo que ya nun la fabriquen) y la Golden Cup 1020 (made in China) un clónicu de la Blues Harp, buena pa facer experimentos debío al su preciu perbaratu.
Les armóniques de trémolo tienen dos llengüetes aspiraes o soplaes per ca furacu que suenen unísones. Van afinaes na misma frecuencia, pero una d'elles ta lixeramente desafiná respeuto la otra produciendose asina l' efeuto trémolo. Dellos modelos d'armónica trémolo son : O Fado Portuguez (Hohner), Echo (Hohner), y les de fabricación china Hero M 1019, Swan NH 13-405 de doble embocaura, Lark, Tower, Golden Cup, Golden Butterfly....que tienen "muy poco" trémolo pero emiten un soniu potente y brillante. Les armóniques d' octava son igual que les de trémolo, sólo que en lugar de tar afinaes al unísono, tan en octaves. O sea, que cuando soplamos o aspiramos un furacu, suena una nota y la su octava superior. Modelos: Seductora , Unsere Lieblinge, Comet...toes elles de la marca Hohner.
Por supuesto que hai munches más marques y modelos, aquí tan nomaes les que teu yo.

Tipos d' afinación alternativos

Diatóniques

Standard Richter :

C E G C E G C E G C
D G B D F A B D F A


Ye l' afinación que vas atopar en cualquier Hohner de blues. En la serie soplá tendremos siempre l' acorde Do mayor per ca grupu de tres furacos (C - E - G o les inversiones E - G - C y G - C - E) . Aspirando tenemos Sol mayor (D - G - B) nel primer grupu y ( G - B - D ) nel segundu. Re menor ( D - F - A ) nel cuartu, Re 7m nel quintu.

Paddy Richter (® Brendan Power) :

C E A C E G C E G C
D G B D F A B D F A


Subiendo un tonu a la tercera llengüeta soplá, de Sol a La, sacamos-i un acorde más : La menor . Tamien se fai más afayaiza l' execución de la escala nes notes graves. Ye una afinación perfacil de "coyer" y muy resultona pa música céltica.
Muestra soníu con una Hohner Pro Harp en G col' afinación Paddy Richter.

Melody Maker ( ® Lee Oscar):

C E A C E G C E G C
D G B D F# A B D F# A


Como na Paddy Richter súbense un tonu les llengüetes tercera soplá, y mediu tonu la quinta y novena aspiraes. Algámase asina una afinación en Sol mayor comenzando la escala nel primer Sol (2º aspirau). Con esta afinación disponemos de los acordes : La menor (C E A), Do mayor (C E G), Sol mayor (D G B) y Re mayor (D F# A)

Country tuning:

C E G C E G C E G C
D G B D F# A B D F A


Se sube medio tono la quinta aspirá. Esta afinación nun l' aprobé, asina que nun pueo decir nada sobre el su usu :)

Cromátiques

L' única modificación que fixe con armóniques cromátiques ye baxar un tonu toles notes de la regleta del segundu rexistru, el qu' entra en xueg al emburriar la palanca de cambiu. D' esti mou en vez de subir un semitonu baxamoslu. Muy prácticu pa los fraseos y adornos típicos de la música celta, por exemplu.

En fin, hai asgaya afinaciones posibles usando tamien armóniques de trémolo, d' octava... con escales mayores, menores, escala húngares, arábigues, pentatóniques y un llargu etc. Pa ver un catálogu extensu d' afinaciones consulta la páxina de Pat Missin.


Al trabayu

Con un pocu curiao , unes ferramientes mínimes y decisión pue reparase una llengüeta desafiná o cambiar la tonalidá de l' instrumentu. Desti mou, subiendo un semitonu el Fa (5 y 9 aspirao) d' una armónica en Do fadremos una Country Tuning. Subiendo un tonu 3-soplao y mediu tonu 5 y 9-aspirao tenemos una Melody Maker.Etc

Ferramientes : lima de metales pequeña. Yo uso una de sección triangular, porque nun teo otra. Una lámina fina de metal o de plásticu de 8x2 cm. p' apoyar la llengüeta so la que trabayamos y curiar les demás. Un cúter, bisturí o algo apaecío. Un afinador elleutrónicu. Un soldador d' estañu. Tamien ye bono tener a mano una lupa y un buen allumao.

Lo primero ye decidir qué afinación queremos da-i a l' armónica, identificar les llengüetes que hai que modificar etc.Después quitense les tapes de l' armónica. Si vamos modificar sólo llengüetes aspiraes podemos trabayar ensin desarmar más; si vamos modificar llengüetes soplaes hai que desarmar tamién les regletes. Hai que ser curiosu al desmangar les regletes clavaes con puntes.

Para subir el tonu d' una nota hai que rebaxar el espesor nel extremu llibre de la llengüeta, y pa baxalu, limar nel extremu opuestu, o rascalu pela parede d'adientro, pela parte xunt' al tornillu de fixación. Otra solución pa baxar el tonu ye en depositar una gota d' estañu nel extremu llibre la llengüeta, aumentando así la so masa; después rebaxase cola lima p' axustar l' afinación. Despues de comprobar con un afinador miramos que nun haiga rebarbes pelos llaos de les llengüetes pa que nun zumben al vibrar.

Pa ensayar con nueves afinaciones usé armóniques Golden Cup ,Lark, Tower y Hero polo barates que tan, sobre too les Golden Cup. Una Golden Cup tipu Blues Harp cuesta ocho veces menos qu' el so equivalente Hohner. Una pega ye que solo les fabriquen en Do y que pueen venir mal afinaes de fábrica, pero eso non mos asusta..

Válvules

Les válvules son unas lámines de material plásticu que van na parte opuesta de la llengüeta, lixeramente mayores qu' estes, cubriendo del too la ranura la llengüeta dando-i mayor estanqueidá el reducir les fugues d'aire ya que cuando aspiramos l' aire entra tamién pela llengüeta de soplar,aunque nun la faiga sonar.
Si ponemos una válvula na dicha llengüeta, l' aire la cierra y pasa too pela llengüeta d' aspirar. Proporciona asina un soníu más fuerte y cálido, a la vez que facilita el bending en notes antes imposibles.

A- Dirección del aire soplando
L- Llengüetes
V- Válvules. Si soplamos la válvula d'abaxo se cierra y la d'enriba se abre pela presión del aire. Si aspiramos, la válvula inferior se abre y la superior se cierra, debío a la succión del aire. Nel primer c asu suena la llengüeta superior, nel segundu la inferior.
T- Tornillos o remaches de la llengüeta.
R- Regleta o peine. Soporte sobre el que van instalaes les llengüetes.
C- Gota pegamento p' apegar la válvula. Yo suelo usar Bunitex, pero seguro que hai otros qu' apeguen igual y son más fáciles d' usar en cantidades tan pequeñes. Hai que tener cuidao qu' el pegamentu nun se mos vaya les manes y estropiemos alguna llengüeta. Char una gota minúscula ayudao d' un palillu, por exemplu, y colocar la válvula; cola ayuda d' otru palillu secu calcar unos segundos nel puntu de encolaura.
Les notes que necesitan válvula n' una diatónica (aunque puen ponese válvules a toes) son 1-2-3-4-5-6 aspiraes y 7-8-9-10 soplae s. Asina pue facese bending soplau nos 6 primeros furacos y aspiraos nos 3 caberos. La razón d' esto ye porque el bending produz-se sobre la nota más alta de les dos que comparten furacu. Del 1º al 6º la nota más alta ye l' aspirá (bending aspirando) y del 7º al 10º la nota alta ye soplá (bending soplando). Con les válvules podemos facer bending prácticamente en toles notes.

Probé col plásticu de les caxes de tabaco y ye colo que meyores resultaos tuve aunque ye difícil trabayalo debío a la transparencia y al tamañu tan pequeñu.

No hay comentarios: